About Brar Jessy
Brar Jessy (Jaswinder Kaur)is an Indian punjabi poet and author.
She received popularity,after the publication of her first punjabi book “Mai Sau Kudi Nhi Han.” Her birthplace is Moga and hometown is Malke,Moga,Punjab. Her height is 5′ 5” or 165cm. Jessy completed her schooling from G.N.D Mission Senior Secondary School, Panjgrain Kalan (Faridkot) .Currently She is Pursuing Ph.D (Computer Applications) from Gurukashi University, Talwandi Sabo, Bathinda.
Brar Jessy’s work touches on love, loss, healing, femininity,family relations.She was inspired by her grandmother- mother to read books and magazines.She continued her hobby of reading books .At age sixteen, she shifted her focus to writing.After many years, she started to share her feelings and writting through facebook and instagram.
Popular Books
Jessy Brar breaks the myth that if meek means to endure oppression silently, to endure excesses, to always remain silent, then she is not such a meek girl. That is why he has named his book "Mai Sau Kudi Nahi Han".
Kuldeep Bedi Jagbani Review (Translated by Harkirat Kaur)
ਕੀਕਣ ਆਖਾਂ ਮੈਂ ਔਰਤ ?
Kikkan Akhaan Mai Aurat
Author: Brar Jessy
ਮੈਂ ਸਾਊ ਕੁੜੀ ਨਹੀਂ ਹਾਂ’ , ‘ਘੜੇ ਵਿਚ ਦੱਬੀ ਇੱਜ਼ਤ’ , ‘ਇੱਜ਼ਤਦਾਰ ਘਰਾਂ ਦੀਆਂ ਕੁੜੀਆਂ’ , ‘ਕੀਕਣ ਆਖਾਂ ਮੈਂ ਔਰਤ’ ….. ਇਹ ਸਾਰੇ ਨਾਮ ਉਹਨਾਂ ਕਿਤਾਬਾਂ ਦੇ ਹਨ, ਜਿਹਨਾਂ ਨੂੰ ਇਕ ਨਵੇਂ ਪੋਚ ਦੀ ਅਦੀਬ ‘ਬਰਾੜ ਜੈਸੀ’ ਨੇ ਲਿਖਿਆ ਹੈ । ਇਹਨਾਂ ਨਾਵਾਂ ਨੂੰ ਪੜ੍ਹਦਿਆਂ ਇਹ ਅੰਦਾਜ਼ਾ ਲਾਉਣਾ ਮਸ਼ਕਿਲ ਨਹੀਂ ਰਹਿੰਦਾ ਕਿ ਕਿਤਾਬਾਂ ਵਿਚਲੀਆਂ ਲਿਖਤਾਂ ਦੇ ਵਿਸ਼ੇ ਕੀ ਹੋਣਗੇ…..ਉਹਨਾਂ ਦੀ ਤਾਸੀਰ…ਉਹਨਾਂ ਦੇ ਤੇਵਰ ਕਿਹੋ ਜਿਹੇ ਹੋਣਗੇ …।
ਇਸ ਵੇਲੇ ਮੇਰੇ ਸਾਹਮਣੇ ਉਸ ਦੇ ਨਵੇਂ ਕਾਵਿ-ਸੰਗ੍ਰਿਹ ‘ਕੀਕਣ ਆਖਾਂ ਮੈਂ ਔਰਤ’ ਦਾ ਖਰੜਾ ਹੈ ।ਇਹਨਾਂ ਕਵਿਤਾਵਾਂ ਨੂੰ ਪੜ੍ਹਦਿਆਂ ਲੱਗਿਆ ਜਿਵੇਂ ਸਾਡੀ ਧਰਤੀ ਦੀਆਂ ਸਾਰੀਆਂ ਧੀਆਂ ਆਪਣੇ ਦਿਲਾਂ ਦੇ ਦੁੱਖ-ਸੁਖ ਕਰ ਰਹੀਆਂ ਹੋਣ …..ਤੇ ਥੋਹੜੇ ਬਹੁਤੇ ਫ਼ਰਕ ਨਾਲ ਉਹ ਇੱਕੋ ਜਿਹੀ ਘੁਟਨ ਵਿਚ ਜਿਉਂ ਰਹੀਆਂ ਹੋਣ ।
ਸਾਡੇ ਸਮਾਜ ਵਿਚ ਔਰਤ ਦੀ ਸਥਿਤੀ ਨੂੰ ਲੈ ਕੇ ਇਸ ਕਵਿਤਾ ਦੀ ਕਾਵਿ-ਨਾਇਕਾ ਦੇ ਮਨ ਵਿਚ ਸਵਾਲਾਂ ਦਾ ਇਕ ਅਮੁੱਕ ਸਿਲਸਿਲਾ ਹੈ । ਉਹ ਸਦੀਆਂ ਦੀ ਬਣਾਈ ਹੋਈ ਨਾਰੀ ਨੂੰ ਬਦਲ ਰਹੇ ਸਮੇਂ ਦੀ ਖਿੜਕੀ ਰਾਹੀਂ ਵੇਖਦੀ ਹੈ, ਅਤੇ ਆਪਣੇ ਤਿੱਖੇ ਸਵਾਲਾਂ ਦੀ ਵਾਛੜ ਨਾਲ ਉਸ ਦਾ ਪ੍ਰੰਪਰਿਕ ਮੁਜੱਸਮਾ ਤਹਿਸ-ਨਹਿਸ ਕਰਦੀ ਹੋਈ ਉਸ ਦੀ ਇਕ ਨਵੀਂ ਤਸਵੀਰ ਸਿਰਜਦੀ ਹੈ । ਉਸ ਦੇ ਵਜੂਦ ਵਿਚ ਜੰਮੀਆਂ ਹੋਈਆਂ ਹਨੇਰੇ ਦੀਆਂ ਗਹਿਰੀਆਂ ਪਰਤਾਂ ਖੁਰਚ ਕੇ ਲਾਹੁੰਦੀ ਹੋਈ ਇੱਕ ਨਵੀਂ ਰੌਸ਼ਨੀ ਦਾ ਸੰਚਾਰ ਕਰਦੀ ਹੈ ।ਉਸ ਦੀਆਂ ਭਿੱਜੀਆਂ ਅਤੇ ਝੁਕੀਆਂ ਹੋਈਆਂ ਅੱਖਾਂ ਨੂੰ ਸਿਰ ਉੱਚਾ ਚੁੱਕ ਕੇ ਜਿਉਣ ਦਾ ਸੁਪਨਾ ਦਿੰਦੀ ਹੈ ।ਸਮਾਜ ਦੇ ਦਮਨ, ਦਬਾਅ ਅਤੇ ਜਬਰ ਦੇ ਖ਼ਿਲਾਫ਼ ਇਸ ਕਵਿਤਾ ਦਾ ਸੁਰ ਵਿਦਰੋਹ ਭਰਿਆ ਹੈ। ਉਹ ਉਹਨਾਂ ਖੋਖਲੀਆਂ ਕਦਰਾਂ ਨੂੰ ਆੜੇ ਹੱਥੀਂ ਲੈਂਦੀ ਹੈ , ਜਿਹਨਾਂ ਦੀ ਆੜ ਵਿਚ ਕੁੜੀਆਂ ਦੀਆਂ ਹਸਰਤਾਂ ਨੂੰ ਵੱਢ-ਟੁੱਕ ਕੇ ਉਹਨਾਂ ਨੂੰ ਇੱਕ ਨਿਸ਼ਚਤ ਦਾਇਰੇ ਵਿਚ ਜਿਉਣ ਲਈ ਮਜਬੂਰ ਕਰ ਦਿੱਤਾ ਜਾਂਦਾ ਹੈ । ਸਮਾਜ ਵਿਚ ਨਾਰੀ-ਪੁਰਖ ਦੀ ਬਰਾਬਰੀ ਦੀ ਤਾਂਘ ਨਾਲ ਸੰਜੋਈ ਹੋਈ ਇਸ ਸਿਰਜਣਾ ਲਈ ਮੈਂ ਬਰਾੜ ਜੈਸੀ ਨੂੰ ਮੁਬਾਰਕਬਾਦ ਆਖਦੀ ਹਾਂ ।ਆਸ ਕਰਦੀ ਹਾਂ ਕਿ ਮਨੁੱਖੀ ਸੰਵੇਦਨਾਂ ਨਾਲ ਲਰਜ਼ਦੀਆਂ ਇਹ ਭਾਵਪੂਰਤ ਕਵਿਤਾਵਾਂ ਪਾਠਕਾਂ ਦੇ ਦਿਲ ਟੁੰਬਣ ਵਿਚ ਸਫ਼ਲ ਹੋਣਗੀਆਂ ।
ਸੁਖਵਿੰਦਰ ਅੰਮ੍ਰਿਤ
ਘੜ੍ਹੇ ‘ਚ ਦੱਬੀ ਇੱਜ਼ਤ
Ghde Ch Dabbi Izat
Author: Brar Jessy
ਜੈਸੀ ਬਰਾੜ ਪੰਜਾਬੀ ਕਹਾਣੀ ਦੇ ਬੂਹੇ ‘ਤੇ ਨਵੀਂ ਦਸਤਕ ਹੈ। ਉਸ ਦੀ ਕਹਾਣੀ ਵਿੱਚ ਕਹਾਣੀ-ਤੱਤ ਹੈ। ਜਦੋਂ ਮੈਂ ਉਸਦੀ ਕਹਾਣੀ ” ਬਾਪੂ ਦੀ ਜੁੱਤੀ ” ਪੜ੍ਹੀ । ਮੈਂ ਹੈਰਾਨ ਹੋ ਗਿਆ। ਐਨਾ ਪ੍ਰਮਾਣਿਕ ਕਥਾ-ਅਨੁਭਵ। ਐਨੀ ਕਥਾ-ਮੈਟਾਫਰ ਸਿਰਜਣ ਯੋਗਤਾ। ਔਰ ਐਨਾ ਕਥਾ-ਰਸ। ਜੈਸੀ ਕੋਲ ਕਹਾਣੀ ਲਿਖਣ ਦੀ ਜਾਦੂਗਰੀ ਕਿੱਥੋਂ ਆ ਰਹੀ ਹੈ! ਸ਼ਾਇਦ ਉਸਦੀ ਅੰਤਰ-ਦ੍ਰਿਸ਼ਟੀ ਦੀ ਰੇਂਜ ਬਹੁਤ ਲੰਬੀ ਤੇ ਗਹਿਰੀ ਹੈ। ਬਾਪੂ ਦੀ ਪੱਚੀ ਸਾਲ ਬਾਅਦ ਵੀ ਬਸ ਅੱਡੇ ਵਾਲੇ ਮੋਚੀ ਕੋਲ ਸਾਂਭੀ ਜੁੱਤੀ। ਉਸਦੇ ਸਕੂਟਰ ਪਿੱਛੇ ਰੱਖਿਆ ਲੱਕੜ ਦਾ ਖਿਡੌਣਾ ਟਰੈਟਰ ਤੇ ਪਾਣੀ ਦੀ ਬੋਤਲ, ਗਲਾਸ ਔਰ ਉਮਰਾਂ ਲੰਬੀ ਪਿਆਸ। ਜੈਸੀ ਜਿਸ ਕਥਾ-ਸ਼ੈਲੀ ਜਿਸ ਮੈਟਾਫਰੀਕਲ ਭਾਸ਼ਾ ਵਿੱਚ ਕਥਾ-ਬਿਰਤਾਂਤ ਸਿਰਜਦੀ ਹੈ। ਉਹ ਉਸਦੀ ਕਹਾਣੀ ਕਲਾ ਦਾ ਖੂਬਸੂਰਤ ਪ੍ਰਮਾਣ ਹੈ। ਉਸਦੀ ਨਿੱਕੇ ਆਕਾਰ ਦੀ ਵੱਡੇ ਅਰਥਾਂ ਵਾਲੀ ਕਹਾਣੀ ਲਿਖਣ ਵਾਲੀ ਕਥਾਕਾਰ ਹੈ। ਇਸ ਕਥਾ ਪੁਸਤਕ ਵਿੱਚ ਦਰਜ ਹਰ ਕਹਾਣੀ ਦੀ ਇਕ ਇਕ ਸਤਰ ਵਿੱਚ ਕਹਾਣੀ ਹੈ। ਜੈਸੀ ਦੇ ਕਥਾ ਸੰਸਾਰ ਨੂੰ ਸਮਝਣ ਲਈ ਉਸਦੀ ਅੰਤਰ ਦ੍ਰਿਸ਼ਟੀ ਔਰ ਸਿਆਣਪ ਨਾਲ ਸੰਵਾਦ ਰਚਾਉਣਾ ਪੈਂਦਾ ਹੈ। ਫਿਰ ਕਹਾਣੀ ਅਰਥ ਦਿੰਦੀ ਹੈ। ਉਹ ਇਸ ਕਥਾ ਪੁਸਤਕ ਦਾ ਨਾਂ ਰੱਖਦੀ ਹੈ ” ਘੜੇ ‘ਚ ਦੱਬੀ ਇੱਜ਼ਤ “। ਇਸ ਨਾਂ ਵਿੱਚ ਘੜਾ ਲੋਧਾਰਾਈ ਸੰਕਲਪ ਵੀ ਹੈ। ਇਹ ਪਾਣੀ ਪਿਲਾ ਕੇ ਜੀਵਨ ਦੇਣ ਦਾ ਕਾਰਜ ਵੀ ਕਰਦਾ ਹੈ। ਇਹ ਪੁਰਾਣੇ ਸਮੇਂ ਵਿਚ ਕੁੜੀਆਂ ਮਾਰ ਕੇ ਦੱਬਣ ਦੇ ਕੰਮ ਵੀ ਆਉਂਦਾ ਰਿਹਾ ਹੈ। ਜਦੋਂ ਅਸੀਂ ਇਸ ਨੂੰ ਸਮਕਾਲ ਨਾਲ ਜੋੜ ਕੇ ਵੇਖਦੇ ਹਾਂ। ਇਹ ਜੈਸੀ ਬਰਾੜ ਦੀ ਕਥਾ-ਗੈਲਰੀ ਦਾ ਉਹ ਧਰਾਤਲ ਵੀ ਹੈ ਜਿਸ ਉੱਪਰ ਖੜ੍ਹ ਕੇ ਉਹ ਜਿੰਦਗੀ ਦੇ ਤਮਾਮ ਤੱਤੇ ਠੰਡੇ ਅਨਭਵਾਂ ਤੇ ਰਿਸ਼ਤਿਆਂ ਨੂੰ ਨਵੇਂ ਸਿਰੇ ਤੋਂ ਪਰਿਭਾਸ਼ਿਤ ਕਰਦੀ ਹੈ। ਜੈਸੀ ਦੀ ਕਹਾਣੀ ਪੜ੍ਹਤਕਾਰ ਨੂੰ ਬਹੁਕੋਣਾਂ ਤੋਂ ਪ੍ਰਭਾਵਿਤ ਕਰਦੀ ਹੈ। ਇਸ ਲਈ ਮੈਂ ਪੰਜਾਬੀ ਕਹਾਣੀ ਦੇ ਖੇਤਰ ਵਿੱਚ ਉਸਦੀ ਇਸ ਕਥਾ ਪੁਸਤਕ ਦਾ ਸਵਾਗਤ ਕਰਦਾ ਹਾਂ।
“ਜਸਵੀਰ ਰਾਣਾ”
ਮੈਂ ਸਾਊ ਕੁੜੀ ਨਹੀਂ ਹਾਂ
Mai Sau Kudi Nhi Han
Written By Brar Jessy
ਮੈਂ ਸਾਊ ਕੁੜੀ ਨਹੀਂ ਹਾਂ,
ਕਵਿਤਾ ਲਿਖਦੀ ਹਾਂ,
ਪਰ ਹਾਂ ਯਾਦ ਰੱਖੀ
ਮੁਹੱਬਤ ਵਾਲੀ ਕਵਿਤਾ
ਲਿਖਣ ਵਾਲੀਆਂ ਕੁੜੀਆਂ
ਚਰਿੱਤਰਹੀਣ ਨਹੀਂ ਹੁੰਦੀਆਂ,
ਮੁਹੱਬਤ ਦੇ ਅਰਥ ਤੂੰ ਕੁਝ
ਹੋਰ ਸਮਝੀ ਬੈਠਾਂ,
ਅੱਸੀ ਸਾਲਾਂ ਦੀ ਬੁੱਢੀ ਬੇਬੇ
ਬਿਨਾਂ ਦੰਦਾਂ ਤੋਂ ਕੁਝ ਚਬਾਉਂਦੀ ਏ,
ਤਾਂ ਮੈਨੂੰ ਉਹਦੇ ਨਾਲ ਪਹਿਲੀ
ਨਜ਼ਰੇ ਮੁਹੱਬਤ ਹੋ ਜਾਂਦੀ ਹੈ,
ਜਦ ਮੇਰੇ ਦੁਖਦੇ ਸਿਰ ਨੂੰ ਮਾਂ ਦੱਬਦੀ ਏ
ਤਾਂ ਉਹ ਮੇਰੀ ਮਹਿਬੂਬ ਬਣ ਜਾਂਦੀ ਏ,
ਤੂੰ ਮੁਹੱਬਤ ਅਸ਼ਲੀਲਤਾ ਨਾਲ ਜੋੜਨਾ ਬੰਦ ਕਰ’ਦੇ,
ਨਹੀਂ ਤਾਂ ਹਰ ਕੁੜੀ ਆਖੇਗੀ
‘ਮੈਂ ਸਾਊ ਨਹੀਂ ਹਾਂ।’
